Мен кеттим, сени менен ажырашам, сени менен жашай албайм

Бир киши аялы аны сүйөбү же жокпу текшерип көрмөк болот.

Анан аялы үйдө жокто кат жазып баштайт:

-«Мен кеттим, сени менен ажырашам, сени менен жашай албайм» деп,

катты бөлмөсүндөгү тумбочканын үстүнө коюп, өзү дивандын астына жашынат.

Жолдошу бул кичинекейлерди оюну экенин түшүнсө да, жубайын текшергиси келет.

Аялы үйүнө келип, бөлмөсүнө кирип катты алып окуйт.

Анан калем сапты алып, жанагы катка бираз жазат.

Аял телефонду алып:

-Алло, жаным кандайсың, элестет жолдошум өзү эле кетип калыптыр, эмнеге ушуга турмушка чыкканыма өзүм да түшүнбөйм, эми мунун баары артта калды. Эми сен барсын, азыр барып калам, жолугабыз, деп сүйлөшөт.

Шкафты ачып сонун кийимдерин кийип, бийлеп үйдөн чыгып кетет.

Аялы кеткенден кийин, жолдошу ыйлап дивандын астынан чыгып, ачуусу келип, шайы кетип, эмне кылаарын билбей, катты алып окуйт. Катка аялы минтип жазган болот:

— Жаным мен сенден башка эч кимди сүйгөн эмесмин, сүйбөйм дагы, Сени сүйөм ошол үчүн сага турмушка чыккам.

Дивандын астынан бутуң көрүнүп турат, чык. Мен дүкөнгө кеттим, азыр келем, тамактанабыз деп, жазган болот.